Football | Naija
Note: this article is written in Pidgin English for a Nigerian audience
 |
Croatia national team dokita don para for Real Madrid coachi Carlo Ancelotti say na hin cus de injuri wey hapun to dia midfilda Luka Modric
"Na Carlo Ancelotti cus all dis one,"Croatia Oga dokita Boris Nemec tok for Sportske Novosti
Dis kasala wey hapun to Modrid don come afta de guyman bin spend five months hin no tap ball.
Nemec come vex add say: "Even as e be say Luka miss five month, since hin come bak na so so match afta match Ancelotti dey make am play. Hin no even allow am res at al.
Real Madrid dem bin yarn on Sunday las week say de test wey dem medico pipu don Modrid show say hin don konk bone for hin leg.
Dem do de test afta Modrid jam Malaga midfilda Recio on Saturday.
Madrid no tok how lond Modric go miss to tap ball but olofofos dem for Spain tok say hin fit miss reach six weeks wey mean say no more tapping for am dis seasin be dat.
Modrid sef come yarn say hin go try make him hol body becos dat kain injuri no be small tin.
Croatia coachito Niko Kovac say hin dey pray say make Modric dey fit play dia June 12 Euro 2016 kwalifaya wit Italo
"I dey? hope say hin fit recova play de Italo match sha, but we no go rush am becos hin health important wella for us."
No comments:
Post a Comment